"Chelsi" yarim himoyachisi Chezare Kazadei "Torino"da o‘ynash uchun Italiyaga qaytmoqda.
"Buqalar" "ko‘klar" va futbolchining o‘zi bilan shartnoma shartlarini kelishib oldi. Yarim himoyachi tibbiy ko‘rikdan muvaffaqiyatli o‘tdi va Turin klubi bilan shartnoma imzoladi, deb xabar beradi taniqli insayder Fabrisio Romano.
Transfer yaqin kunlarda rasman e’lon qilinadi. "Chelsi" 22 yoshli italiyalikni sotishdan 15 million yevro ishlab oladi, shuningdek, futbolchining kelajakdagi qayta sotilishi summasining 25 foizini oladi.
