Angliya terma jamoasining sobiq futbolchisi Pol Mersonning fikricha, "Liverpul" Premyer-liga chempionligini qo‘lga kiritsa, uchta yulduz futbolchilarini yo‘qotadi.

Arne Slot shogirdlari ayni damda Angliya Premyer-ligasi turnir jadvalida peshqadamlik qilmoqda va "Arsenal"dan 6 ochko oldinda.

"O‘ylashimcha, Saloh, Trent va van Deyk yozda “Liverpul”ni tark etishadi, agar jamoa joriy mavsumda Premyer-ligada g‘olib chiqsa, bu sodir bo‘ladi.

Nega ular haligacha shartnomalarini uzaytirishmaganini tushunmayapman. "Liverpul"ning so‘nggi chempionlik g‘alabasi Kovid davrida bo‘lgan.

Hamma o‘z muxlislari oldida "Liverpul" chempion bo‘lishini xohlaydi. Ammo bu sodir bo‘ladigan bo‘lsa, uchala futbolchi ham ketishadi.

Ular klubga yana nima berishi mumkinligini bilmayman", - deya Mersonning so‘zlarini keltiradi Sky Sports.