"Chelsi" bosh murabbiyi Enso Mareska darvozabon Kepa Arrisabalaganing "Bornmut"dagi ijarasini muddatidan oldin tugatmasligini aytdi va London klubidagi darvozabon o‘rni uchun raqobat haqida gapirdi.
"Chelsi"ning asosiy darvozaboni Robert Sanches so‘nggi haftalarda gol urishdagi qator xatolari uchun tanqid ostida qoldi.
"Kepa erta qaytib keldimi? Yo‘q, bu mumkin emas.
Keyingi o‘yinda darvozabonni almashtirish masalasiga kelsak, hali qaror qabul qilish uchun vaqtim bor. Yaxshi tomoni shundaki, men qabul qiladigan har qanday qaror men uchun ijobiy bo‘ladi, chunki Filip Yorgensen har safar maydonga tushganida yaxshi o‘ynaydi. "Vest Xem"ga qarshi kim maydonga tushishini ko‘ramiz – Filipmi yoki Rob", - dedi Mareska Goal bilan suhbatda.
Premyer-liganing 24-turidan o‘rin olgan "Chelsi" - "Vest Xem" uchrashuvi 3 fevral kuni bo‘lib o‘tadi.
