"Napoli" g‘alabali seriyasini davom ettira olmadi. Jamoa "Roma" bilan o‘yinda qo‘shib berilgan daqiqalarda gol o‘tkazib yubordi.
Antonio Konte shogirdlari A Seriyaning 23-turida rimliklar bilan durang o‘ynadi.
Neapolliklar 23 o‘yindan keyin 54 ochkoga ega. Ular turnir jadvalida peshqadamlik qilmoqda, "Inter"dan 3 ochko oldinda, lekin bir o‘yin ko‘proq o‘tkazgan.
Shuningdek, ayni damda kuchli to‘rtlikdan "Atalanta" (47 ochko) va "Yuventus" (40 ochko) joy olgan.
"Napoli" 8 dekabrdan beri mag‘lubiyatga uchramadi. Bu vaqt ichida klub 7 g‘alaba va bitta durang qayd etgan.
9 fevral kuni neapolliklar "Udineze" bilan uchrashadi.
