"Barselona"ning hujumkor yarim himoyachisi Pablo Torre "Portu"ga o‘tmaydi.
Bu haqda jurnalist Fabrisio Romano xabar bermoqda.
"Portu" 21 yoshli ispaniyalik yarim himoyachini o‘z safiga qo‘shib olmoqchi ekani avvalroq xabar qilingandi.
Biroq manbaning xabariga ko‘ra, "Barselona" rahbariyati Torreni "Portu"ga qo‘yib yuborishdan bosh tortgan, chunki jamoa bosh murabbiyi Xans-Diter Flik shaxsan o‘zi futbolchini jamoada qoldirishni so‘ragan.
Qayd etilishicha, Portugaliya jamoasi allaqachon boshqa variantlarni ishlab chiqishga kirishgan.
