O‘zbekiston futzal federasiyasi prezidenti Bekzod Mamatqulov Turkiya futbol federasiyasi vise-prezidenti Majnun Otyakmaz bilan uchrashdi.
Samimiy ruhda o‘tgan uchrashuv davomida har ikki federasiya o‘rtasida ko‘plab yo‘nalishlar bo‘yicha hamkorlikni yo‘lga qo‘yish, do‘stona aloqalarni mustahkamlash borasida kelishib olindi.
Bundan tashqari, O‘zbekiston terma jamoalari bosh murabbiylari Turkiyada malakasini oshirishi hamda u yerdagi hamkasblari bilan tajriba almashishi uchun imkoniyat yaratib berish, O‘zbekiston va Turkiya futzal terma jamoalari o‘rtasida o‘rtoqlik uchrashuvi tashkil etish borasida qaror qabul qilindi.
Ma’lumot uchun, iqtisodiyot fakulteti bitiruvchisi, turkiyalik ishbilarmon Majnun Otyakmaz Turkiyaning "Sivasspor" futbol klubi sobiq prezidenti hisoblanadi. Klub aynan Otyakmaz prezidentligi davrida ilk bor mamlakat Superligasi ishtirokchisiga aylangan.
