Meksikalik hujumchi Santyago Ximenes Italiyaning "Milan" klubining yangi xaridiga aylandi va u o‘zining to‘liq tayyor ekanligini aytib, o‘zining birinchi taassurotlari bilan o‘rtoqlashdi.

"Men keragidan ko‘proq tayyorman, men butun umrim davomida bu sinovga tayyorlandim va hozir orzum ushalmoqda.

Men Kaka, Ronaldinyo, Pirlo, Bekxem, Gattuzo kabi milanlik futbolchilarni ko‘rib o‘sganman, ularning barchasi mening rivojlanishimda muhim rol o‘ynagan va men doim "Milan"ning natijalarini kuzatib borganman", - deya Ximenesning so‘zlarini keltiradi pianetamilan.it.