“Liverpul” yetakchilaridan biri “Tottenxem”ga qarshi Angliya Liga kubogi yarim finalining javob o‘yinini o‘tkazib yuboradi. Bu haqda jamoa bosh murabbiyi Arne Slot o‘yin arafasida o‘tkazilgan matbuot anjumanida ma’lum qildi.

"Ha, Trent Aleksandr-Arnold ertangi o‘yinni o‘tkazib yuboradi. U yakshanba kuni o‘ynay oladimi yoki yo‘qmi, ko‘rishimiz kerak. Lekin biz bilganimiz shuki, u ertaga maydonga tushmaydi. U o‘tgan o‘yinda oyog‘ida ozgina og‘riq bilan maydonni tark etdi. U individual tarzda shug‘ullangan, ammo jamoa bilan emas, shuning uchun ko‘ramiz.

Jamoaning qolgan barcha o‘yinchilari to‘liq tayyor va ular o‘yinda ishtirok etishlari mumkin", — deya qo‘shimcha qildi Slot.

Liga kubogi yarim finali doirasidagi "Liverpul" va "Tottenxem" o‘rtasidagi javob uchrashuvi 6 fevral, payshanba kuni bo‘lib o‘tadi.