«Manchester Yunayted» himoyachisi Lyuk Shou yana jarohat oldi, deb xabar beradi UTD Menace.
Manba ma’lumotiga ko‘ra, angliyalik futbolchining oldingi jarohati yana takrorlandi va u taxminan bir oy maydonga tusha olmaydi.
Eslatib o‘tamiz, Shou so‘nggi marta dekabr oyi boshlarida o‘ynagan edi. U shundan so‘ng mushak jarohati tufayli safdan chiqqan. Joriy mavsumda himoyachi faqat uchta uchrashuvda qatnashgan.
Bu Lyuk Shouning faoliyatidagi taxminan 30-jarohat hisoblanadi. Turli xil jarohatlar sabab 29 yoshli himoyachi hozirgacha taxminan 300 ta o‘yinni o‘tkazib yuborgan.













