"Manchester Siti" yarim himoyachisi Niko Gonsales "Barselona"ni tark etganidan keyin qanday rivojlanganligini aytib berdi.
Ispaniyalik futbolchi "ko‘k-anorranglilar" akademiyasi orqali katta futbolga kirib kelgan, ammo asosiy jamoada o‘zini ko‘rsata olmagani uchun 2023 yilda "Portu"ga sotilgan. Bu qishda yarim himoyachi transfer uchun 60 million yevro to‘lagan "Manchester Siti"ga o‘tdi.
"Men La Masiyada o‘sganman, bolaligimdan "Manchester Siti" uslubi bilan bir xil futbol o‘ynaganman, lekin Portugaliyada o‘zimni yaxshilashga va boshqa uslubni o‘rganishga harakat qildim. Bu menga yaxshi futbolchi bo‘lishimga yordam berdi. Umid qilamanki, "Manchester Siti" muxlislari meni to‘pni uzata oladigan va to‘pni yaxshi nazorat qila oladigan, ammo qarshi hujumlar ham tashkil eta oladigan o‘yinchi sifatida ko‘radi", — dedi Niko.
