"Santos" hujumchisi Neymar San-Paulu shtati chempionatining 7-turidan o‘rin olgan "Botafogo"ga (1:1) qarshi o‘yindan so‘ng muxlislarga murojaat qildi.
"Natija qanchalik yomon bo‘lmasin, bugun o‘zgacha kun bo‘ldi. Oxirigacha ko‘rsatgan mehringiz va qo‘llab-quvvatlashingiz uchun tashakkur. Hozir muxlislarimizning qo‘llab-quvvatlashiga har qachongidan ham ko‘proq muhtojmiz. Chunki siz bilan biz kuchliroqmiz! Qaytganimdan juda xursandman, bor kuchimni ishga solaman, chunki "Santos"ni u munosib bo‘lgan joyga - cho‘qqiga olib chiqishim kerak! Birgalikda biz yengilmasmiz, ishoning!" - deb yozdi futbolchi ijtimoiy tarmoqda.
Neymar ikkinchi bo‘lim boshida maydonga tushdi. Bu uning klubga qaytganidan keyingi birinchi o‘yini edi.
