"Сантос" ҳужумчиси Неймар Сан-Паулу штати чемпионатининг 7-туридан ўрин олган "Ботафого"га (1:1) қарши ўйиндан сўнг мухлисларга мурожаат қилди.
"Натижа қанчалик ёмон бўлмасин, бугун ўзгача кун бўлди. Охиригача кўрсатган меҳрингиз ва қўллаб-қувватлашингиз учун ташаккур. Ҳозир мухлисларимизнинг қўллаб-қувватлашига ҳар қачонгидан ҳам кўпроқ муҳтожмиз. Чунки сиз билан биз кучлироқмиз! Қайтганимдан жуда хурсандман, бор кучимни ишга соламан, чунки "Сантос"ни у муносиб бўлган жойга - чўққига олиб чиқишим керак! Биргаликда биз енгилмасмиз, ишонинг!" - деб ёзди футболчи ижтимоий тармоқда.
Неймар иккинчи бўлим бошида майдонга тушди. Бу унинг клубга қайтганидан кейинги биринчи ўйини эди.
