"Milan" vingeri Rikkardo Sottil Kayl Uoker haqida gapirdi.
Har ikki futbolchi ham qishki transfer oynasida “rossonerilar” safiga qo‘shilgandi.
25 yoshli italiyalik futbolchi "Fiorentina"dan, 34 yoshli ingliz esa "Manchester Siti"dan ijaraga olingan.
Ikkala shartnomada ham sotib olish bandi mavjud.
“Uoker chempion, u hamma narsani yutgan. Uning kelishi va to‘g‘ridan-to‘g‘ri sport zaliga yo‘l olishini tomosha qilish orqali undan o‘rnak olishingiz kerakligini tushunasiz.
Haqiqiy chempion bo‘lish uchun qancha mehnat qilish kerakligini tushunasiz", — deya Rikkardo Sottilning so‘zlarini keltiradi Football Italia.













