"Al-Ahli" Roberto Firminoni Saudiya chempionati uchun o‘z tarkibidan chiqarib tashlagani haqida avvalroq xabar berilgandi.

Insayder Fabrisio Romanoning fikricha, braziliyalik hujumchi o‘rniga Venderson Galeno ro‘yxatdan o‘tkazilgan.

"Liverpul"ning sobiq futbolchisi faqatgina Osiyo chempionlar ligasi uchun tarkibda qolmoqda.

«Goal» xabariga ko‘ra, Firmino endi "Al-Ahli"ning rejalarida emas. Klub qishki transfer oynasida futbolchi bilan muzokara olib borishga umid qilgandi, biroq braziliyalik kelgan takliflarni rad etdi.

Firmino klub bilan 2026 yilning iyuniga qadar tuzilgan shartnomasidan voz kechmoqchi emas. Unga ko‘ra, futbolchi oyiga taxminan 1,7 million yevro maosh oladi.

Joriy mavsumda braziliyalik futbolchi Saudiya Arabistoni ligasida 17 ta o‘yin o‘tkazib, 5 ta gol urdi va 3 ta golli uzatmani amalga oshirdi.