Madridning “Atletiko” klubi hujumchisi Xulian Alvares “Real” bilan safar derbisi (1:1) natijasi haqida gapirdi.

Aynan argentinalik futbolchi 35-daqiqada penaltini xotirjam amalga oshirib, uchrashuvda hisobni ochgandi.

Tanaffusdan ko‘p o‘tmay, “oqlar” Kilian Mbappe orqali hisobni tenglashtirishdi. “Biz azob chekishimizni bilardik.

Biz o‘zimizni yaxshi ushlab turdik, gol urish uchun imkoniyatlarimiz bor edi va g‘alaba qozonishimiz ham mumkin edi, ammo bu ish bermadi.

Xuddi shu ruhda davom etishimiz kerak. Biz chempionlik uchun kurashdamiz, oxirigacha kurashamiz”, dedi uchrashuvning eng yaxshi futbolchisi deb topilgan Alvares intervyusida.