Мадриднинг “Атлетико” клуби ҳужумчиси Хулиан Альварес “Реал” билан сафар дербиси (1:1) натижаси ҳақида гапирди.
Айнан аргентиналик футболчи 35-дақиқада пенальтини хотиржам амалга ошириб, учрашувда ҳисобни очганди.
Танаффусдан кўп ўтмай, “оқлар” Килиан Мбаппе орқали ҳисобни тенглаштиришди. “Биз азоб чекишимизни билардик.
Биз ўзимизни яхши ушлаб турдик, гол уриш учун имкониятларимиз бор эди ва ғалаба қозонишимиз ҳам мумкин эди, аммо бу иш бермади.
Худди шу руҳда давом этишимиз керак. Биз чемпионлик учун курашдамиз, охиригача курашамиз”, деди учрашувнинг энг яхши футболчиси деб топилган Альварес интервьюсида.
