"Jirona"ning chap qanot himoyachisi Migel Gutyerres Ispaniya La Ligasini Angliya Premyer-ligasiga almashtirishi mumkin. Bu haqda Todofichajes portali jurnalistlari xabar bermoqda.
Manbaga ko‘ra, 23 yoshli himoyachining transferiga "Liverpul" qiziqish bildirmoqda. Premyer-liga peshqadami ispaniyalikni mavsum yakunida sotib olishga harakat qiladi. Potensial kelishuv 35 million yevroga baholanmoqda.
Gutyerresning "Jirona" bilan amaldagi shartnomasi 2027 yilning yozida yakuniga etadi. Ispaniya chempionatining joriy mavsumida Migel 20 ta o‘yin o‘tkazdi. Himoyachi bitta gol urdi va to‘rtta golli uzatmani amalga oshirdi.
