“Kristal Pelas” hujumchisi Jan-Filipp Mateta faoliyatini La Ligada davom ettirishi mumkin.
Team Talk xabariga ko‘ra, 27 yoshli fransiyalik futbolchini “Atletiko Madrid” o‘ziga taklif qilmoqchi.
Manbaga ko‘ra, "Atletiko Madrid" bosh murabbiyi Diyego Simeone Matetani qarigan Antuan Grizmanning o‘rnini bosuvchi futbolchi sifatida ko‘rmoqda.
Qayd etilishicha, “burgutlar” o‘z forvardini qanchaga sotishga tayyor ekanliklari haqida hali bir qarorga kelmagan.
Joriy mavsumda Mateta barcha turnirlarda 28 ta o‘yinda maydonga tushib, 13 ta gol urdi va 2 ta golli uzatmani amalga oshirdi.
