“Кристал Пэлас” ҳужумчиси Жан-Филипп Матета фаолиятини Ла Лигада давом эттириши мумкин.
Team Talk хабарига кўра, 27 ёшли франциялик футболчини “Атлетико Мадрид” ўзига таклиф қилмоқчи.
Манбага кўра, "Атлетико Мадрид" бош мураббийи Диего Симеоне Матетани қариган Антуан Гризманнинг ўрнини босувчи футболчи сифатида кўрмоқда.
Қайд этилишича, “бургутлар” ўз форвардини қанчага сотишга тайёр эканликлари ҳақида ҳали бир қарорга келмаган.
Жорий мавсумда Матета барча турнирларда 28 та ўйинда майдонга тушиб, 13 та гол урди ва 2 та голли узатмани амалга оширди.
