Rayan Giggz “Manchester Yunayted” rahbariyatini tanqid qildi.

“Har qanday biznesda bo‘lgani kabi futbolda ham futbolchilarni to‘g‘ri tanlash muhim va biz o‘n yil davomida bu borada muammolarga duch keldik.

Xato ortidan xato qildik. Endi muhimi, Ruben [Amorim] o‘ziga kerakli futbolchilarni, kerakli yordamni va vaqtni oladimi, shuni ko‘rishimiz kerak.

Hozir qiyin ahvoldamiz, lekin birinchi navbatda shuni aytmoqchimanki, bu murabbiy menga juda yoqadi. Vaqtni hisobga olsak, Amorim muvaffaqiyatga qaytadi.

Kerakli futbolchilar bilan shartnoma imzolab, murabbiyga vaqt bersak, hammasi joyida bo‘ladi. Ammo hozir biz bundan juda uzoqdamiz. Biz juda orqadamiz, lekin vaziyat juda tez o‘zgarishi mumkin.

Murabbiylarga biroz vaqt berishga harakat qildik, ammo endi unga ko‘proq vaqt kerak - uch yoki to‘rtta transfer oynasi kerak, shekilli”, dedi “Manchester Yunayted”ning sobiq yarim himoyachisi.