"Manchester Yunayted" himoyachisi Garri Maguayr Angliya kubogi doirasida "Lester"ga qarshi o‘yinda (2:1) urgan goli haqida gapirdi.
"Men yordam berishdan xursandman, lekin bu men haqimda emas, bu klubni tegishli joyiga qaytarishga urinish haqida. Biz hozir bo‘lishimiz kerak bo‘lgan joyda emasmiz", - deji Maguayr.
24-turdan keyin "Manchester Yunayted" 29 ochko bilan Angliya Premyer-ligasi turnir jadvalida 13-o‘rinda bormoqda. "Qizil iblislar" yevrokubok zonasidan 11 ochko uzoqda.
16 fevral kuni Ruben Amorim shogirdlari mehmonda "Tottenxem"ga qarshi bahs olib boradi. Premyer-liganing 25-tur uchrashuvi Toshkent vaqti bilan soat 20:30da boshlanishi rejalashtirilgan.
