Robert Levandovski Messidan so‘ng Ispaniya chempionatining bir mavsumida dastlabki 22 o‘yinida 19 ta yoki undan ko‘proq gol urgan birinchi futbolchi bo‘ldi. Bungacha faqat argentinalik futbolchi 2019—20 yilgi mavsumda shunday natijaga erishgan edi. Bu haqda OptaJose ijtimoiy tarmoqdagi X sahifasida xabar berdi.

Ispaniya chempionatining 23-turida Kataloniya klubi “Sevilya”ga qarshi o‘yinda g‘alaba qozondi — 1:4. 9 fevral kuni bo‘lib o‘tgan uchrashuvda polshalik futbolchi jamoasining dastlabki goliga mualliflik qildi.

Levandovski 2022 yildan beri “Barselona” safida to‘p suradi. Uning klub bilan shartnomasi 2026 yilgacha mo‘ljallangan. Transfermarkt portali futbolchining transfer narxini 15 million yevro deb baholamoqda.

Joriy mavsumda Levandovski barcha musobaqalar doirasida 33 o‘yinda maydonga tushib, 31 ta gol urdi va 3 ta golli uzatma amalga oshirdi.

Avvalroq polshalik futbolchi 90 o‘yinda 60 ta gol urishga erishgani haqida ma’lumot berilgan edi.