Braziliya terma jamoasi hali ham Karlo Anchelotti bilan kelishuvga erishishga umid qilmoqda.
OK Diario nashrining xabar berishicha, Braziliya futbol konfederasiyasi vakillari Ispaniya Superkubogi tugaganidan so‘ng «Real» bosh murabbiyining atrofidagi odamlar bilan bog‘langan va unga 2026 yilgi Jahon chempionati oxirigacha terma jamoani boshqarishni taklif qilgan.
Ma’lumotlarga ko‘ra, 65 yoshli mutaxassisga may oyigacha o‘ylab ko‘rish uchun muhlat berilgan – bu eng so‘nggi muddat.
Braziliya futbol rahbariyati Anchelottini milliy jamoa bosh murabbiyligi uchun eng munosib nomzod deb hisoblashda davom etmoqda.
Braziliya terma jamoasi ayni paytda JCH-2026 yo‘llanmasi uchun saralash bosqichida ishtirok etmoqda hamda 12 o‘yindan so‘ng 18 ochko bilan jadvalda 5-pog‘onani egallab turibdi.













