"Manchester Siti" markaziy himoyachisi Ruben Diash "Real" haqidagi fikrlari bilan o‘rtoqlashdi.

Seshanba kuni Chempionlar ligasi pley-off bosqichining birinchi o‘yinida "shaharliklar" va "Los Blankos" o‘zaro to‘qnash kelishadi.

Jang "Etihad" stadionida bo‘lib o‘tadi.

"Biz faqat bo‘lajak o‘yin haqida o‘ylaymiz, oldinga yugurmaymiz. Avval siz birinchi o‘yinda g‘alaba qozonishingiz kerak. Ko‘plab futbolchilarimiz jarohatidan forig‘ bo‘lishdi – yagona Rodri yetishmayapti.

Oldingi mavsumlardan bizga ma’lum bo‘lgan juda moslashuvchan jamoaga duch kelamiz.

Lekin bu "Real" avvalgidek emas. Agar biz oldinga borishni istasak, moslashishimiz va eng yuqori darajada ishlashimiz kerak", dedi Diash.