"Real"ning ukrainalik darvozaboni Andriy Lunin bu mavsumda jamoa safida Ispaniya kubogi o‘yinlarida ishtirok etmaydi, deb xabar beradi AS .

"Los-blankos" bosh murabbiyi Karlo Anchelotti Tibo Kurtua joriy mavsum chempionlik poygasiga ta’sir qiladigan o‘yinlarda "Real Madrid" darvozaboni bo‘lishiga qaror qilgani aytilmoqda. Bu "Real Madrid" turnirning yarim finaliga chiqqan Ispaniya kubogi o‘yinlariga ham tegishli bo‘ladi.

12 fevral kuni Ispaniya kubogi yarim finaliga qur’a tashlash marosimi bo‘lib o‘tadi. "Real Madrid"ning raqibi "Barselona", "Atletiko" yoki "Real Sosyedad" bo‘lishi mumkin.

Andrey Lunin joriy mavsumda klub safida barcha turnirlarda 8 ta o‘yin o‘tkazib, 12 ta gol o‘tkazib yubordi va 3 bor o‘z darvozasi dahlsizligini saqlab qoldi.