"Реал"нинг украиналик дарвозабони Андрий Лунин бу мавсумда жамоа сафида Испания кубоги ўйинларида иштирок этмайди, деб хабар беради AS .
"Лос-бланкос" бош мураббийи Карло Анчелотти Тибо Куртуа жорий мавсум чемпионлик пойгасига таъсир қиладиган ўйинларда "Реал Мадрид" дарвозабони бўлишига қарор қилгани айтилмоқда. Бу "Реал Мадрид" турнирнинг ярим финалига чиққан Испания кубоги ўйинларига ҳам тегишли бўлади.
12 февраль куни Испания кубоги ярим финалига қуръа ташлаш маросими бўлиб ўтади. "Реал Мадрид"нинг рақиби "Барселона", "Атлетико" ёки "Реал Сосьедад" бўлиши мумкин.
Андрей Лунин жорий мавсумда клуб сафида барча турнирларда 8 та ўйин ўтказиб, 12 та гол ўтказиб юборди ва 3 бор ўз дарвозаси даҳлсизлигини сақлаб қолди.
