Superliganing amaldagi chempioni "Nasaf" yangi mavsumga hozirlikni Turkiyada davom ettirmoqda.
Bugun qarshiliklar navbatdagi nazorat o‘yinida Rossiyaning "Enisey" klubiga qarshi maydonga chiqdi. Tomonlarning kelishuviga ko‘ra 3 bo‘lim davom etgan uchrashuvda "ajdarlar" 2:0 hisobida g‘alaba qozondi.
O‘yinda Akmal Mozgovoy 46-daqiqada hisobni ochdi. 80-daqiqada Rubin Xebay penaltidan foydalana olmagan bo‘lsa, 124-daqiqada Husayn Norchayev 11 metrlik nuqtadan adashmadi va yakuniy hisobni o‘rnatdi - 2:0.
