Chempionlar ligasi pley-off bosqichining ilk uchrashuvida “Milan” mehmonda “Feyenoord”ga 0:1 hisobida imkoniyatni boy berdi. O‘yindan so‘ng jamoasi bosh murabbiyi Serjiu Konseysau o‘z fikrlarini bildirib o‘tdi.
"Mana shunday o‘yinlarda g‘alaba qozonish uchun mentalitet kerak. "Feyenoord"da yana bir narsa bor edi, hattoki bu atmosferani hisobga olgan holda. Hisobni tenglashtirish uchun bir qancha imkoniyatlarimiz bor edi. Hali hammasi ochiq qoldi, seshanba kuni hal bo‘ladi", - dedi Konseysau.
"Milan" va "Feyenoord" o‘rtasidagi javob o‘yini 18 fevral kuni bo‘lib o‘tadi.
