"Bavariya" himoyachisi Erik Dayer Chempionlar ligasining birinchi pley-off o‘yinida "Seltik" ustidan qozonilgan g‘alaba haqida fikr bildirdi.
O‘yin Shotlandiyaning Glazgo shahrida bo‘lib o‘tdi va 2:1 hisobida myunxenliklar foydasiga hal bo‘ldi.
"Biz natijadan juda mamnunmiz. "Seltik" o‘z uyida ajoyib natijalarni ko‘rsatmoqda. Biz qiyin bo‘lishini yaxshi bilardik va g‘alaba qozonganimizdan xursandmiz. Olise va Keyn uchun gollar? Uchrashuvning istalgan nuqtasida gol urish yoqimli, lekin buni tanaffusdan oldin yoki keyin qilish undan ham yaxshi. Birinchi bo‘limda sabrimiz oqlanganidan xursand bo‘ldik. Biz haqiqatan ham yaxshi ish qildik va imkoniyatlarimizdan foydalanishga harakat qildik", - deya Dayerning so‘zlarini keltiradi UEFA matbuot xizmati.
