Angliya chempionatining 15-turidan o‘rin olgan "Everton" – "Liverpul" (2:2) uchrashuvi yakunida ommaviy mushtlashuv kelib chiqdi.
Final hushtagi yangraganidan so‘ng, "irislar" yarim himoyachisi Abdulaye Dukure "qizillar" muxlislari oldiga "Everton"ning so‘nggi daqiqalarda urgan golini nishonlash uchun tribunaga yugurdi, bu "Liverpul" yarim himoyachisi Kyortis Jonsga yoqmadi. Bu futbolchilar o‘rtasida katta mushtlashuvga sabab bo‘ldi, unga ikkala jamoaning murabbiylar shtabi va polisiya ham aralashdi.
Natijada, Dukure va Jons qizil kartochka oldi, yana "qizillar" bosh murabbiyi Arne Slot ham o‘yindan so‘ng maydondan chetlatildi.
