"Roma" bosh murabbiyi Klaudio Ranyeri Yevropa Ligasidan o‘rin olgan "Portu"ga (1:1) qarshi o‘yindagi hakamlikdan qattiq norozi bo‘ldi.

Rimliklar birinchi bo‘lim oxirida hisobda oldinga chiqib olishdi, ammo 67-daqiqada gol o‘tkazib yuborib, ustunlikni saqlab qola olishmadi. Uchrashuvni mehmonlar o‘n kishi bo‘lib yakunlashdi - 72-daqiqada Brian Kristante maydondan chetlatildi. Umumiy hisobda hakam Tobias Shtiler "bo‘rilar" futbolchilariga 8 ta sariq kartochka ko‘rsatdi.

"UEFA nima uchun so‘nggi 22 o‘yinning birortasi mehmonlarning g‘alabasi bilan yakunlanmagan hakamni tayinlashga qaror qilganini tushunmayapman. U kartochkalarni istalgan futbolchiga ko‘rsatdi. Menimcha, u "Portu" g‘alaba qozonishi uchun penalti belgilash imkoniyatini kutgan. Men futbolchilardan o‘yindan keyin hakam bilan qo‘l berib ko‘rishmasliklarini so‘radim - u bunga loyiq emasdi," - dedi Ranyeri o‘z intervyusida.