"Рома" бош мураббийи Клаудио Раньери Европа Лигасидан ўрин олган "Порту"га (1:1) қарши ўйиндаги ҳакамликдан қаттиқ норози бўлди.
Римликлар биринчи бўлим охирида ҳисобда олдинга чиқиб олишди, аммо 67-дақиқада гол ўтказиб юбориб, устунликни сақлаб қола олишмади. Учрашувни меҳмонлар ўн киши бўлиб якунлашди - 72-дақиқада Бриан Кристанте майдондан четлатилди. Умумий ҳисобда ҳакам Тобиас Штилер "бўрилар" футболчиларига 8 та сариқ карточка кўрсатди.
"УЕФА нима учун сўнгги 22 ўйиннинг бирортаси меҳмонларнинг ғалабаси билан якунланмаган ҳакамни тайинлашга қарор қилганини тушунмаяпман. У карточкаларни исталган футболчига кўрсатди. Менимча, у "Порту" ғалаба қозониши учун пенальти белгилаш имкониятини кутган. Мен футболчилардан ўйиндан кейин ҳакам билан қўл бериб кўришмасликларини сўрадим - у бунга лойиқ эмасди," - деди Раньери ўз интервьюсида.
