"Roma" so‘nggi yillarda Yevropa o‘yinlarida olingan kartochkalar soni bo‘yicha o‘z rekordini yangiladi.
Payshanba kuni rimliklar Yevropa Ligasi doirasida "Portu"ga qarshi o‘yin o‘tkazishdi. Uchrashuv 1:1 hisobida yakunlandi va 72-daqiqada mehmonlar bir kishi kam bo‘lib qolishdi - Brayan Kristante maydondan chetlatildi.
Opta xabariga ko‘ra, "Roma" 2007 yilning fevralidan beri birinchi marta Yevropa miqyosidagi musobaqalarning bir o‘yinida (qo‘shimcha taymlarni hisobga olmaganda) 7 yoki undan ortiq sariq kartochka oldi.
Bosh hakam Tobias Shtiler “bo‘rilar”ga sakkiz marta ogohlantirish berdi, bu esa bosh murabbiy Klaudio Ranerining g‘azabiga sabab bo‘ldi.
