Germaniyaning Vayssenxaus shahrida shaxmatning "Freestyle Chess" yo‘nalishidagi nufuzli musobaqa yakuniga yetdi.

Javohir Sindarov bugun uchinchi o‘rin uchun norvegiyalik Magnus Karlsenga qarshi javob o‘yinini o‘tkazgan bo‘lsa, Nodirbek Abdusattorov esa 5-o‘rin uchun Xikaru Nakamuraga qarshi ikkinchi o‘yinni o‘tkazdi.

Norvegiyalik groysmesyter ancha kuchli o‘yin namoyish etdi. Natijada 42-yurishda Javohir mag‘lubiyatni tan oldi. Shu tariqa, Sindarov musobaqani 4-o‘rinda yakunladi va 60.000 dollar mukofot puliga ega bo‘ldi.

Abdusattorov esa bugun AQSHlik Xikaru Nakamuraga qarshi qora donalarda o‘ynadi. Vatandoshimiz tomonidan yo‘l qo‘yilgan bir nechta xatolar tufayli Nakamura ustun vaziyatga ega bo‘ldi. Natijada Nodirbek 36-yurishda taslim bo‘ldi. Hamyurtimiz turnirda 6-o‘rinni band etdi va 40.000 dollarni qo‘lga kiritdi.

1. Vinsent Keymer — 200.000 dollar
2. Fabiano Karuana — 140.000
3. Magnus Karlsen — 100.000
4. Javohir Sindarov — 60.000
5. Xikaru Nakamura — 50.000
6. Nodirbek Abdusattorov — 40.000
7. Alirizo Firuzja — 30.000
8. Gukesh Dommaraju — 20.000
9. Levon Aronian — 12.500
10. Vladimir Fedoseev — 7.500