"Manchester Yunayted" futbolchisi Amad Diallo jarohati tufayli mavsumning qolgan qismini o‘tkazib yuborishi mumkin.

22 yoshli vinger "Tottenxem"ga qarshi o‘yin oldidan mashg‘ulotlarda jarohat oldi. Tiklanish muddati haqida hozircha aniq ma’lumot yo‘q, ammo ingliz ommaviy axborot vositalari ivuarlik futbolchi joriy mavsumda boshqa o‘ynamasligi mumkinligini taxmin qilmoqda.

"Buni mavsumning eng muhim pallasida yozayotganimdan juda hafsalam pir bo‘ldi. Afsuski, jarohat tufayli ma’lum muddatga safdan chiqyapman. Men har qachongidan ham kuchli bo‘lib qaytaman.

Yigitlarni chetdan turib qo‘llab-quvvatlash vaqti keldi. Bizda kurashadigan narsalar bor," - deya Dialloning so‘zlarini keltiradi United Stand.