"Манчестер Юнайтед" футболчиси Амад Диалло жароҳати туфайли мавсумнинг қолган қисмини ўтказиб юбориши мумкин.
22 ёшли вингер "Тоттенхэм"га қарши ўйин олдидан машғулотларда жароҳат олди. Тикланиш муддати ҳақида ҳозирча аниқ маълумот йўқ, аммо инглиз оммавий ахборот воситалари ивуарлик футболчи жорий мавсумда бошқа ўйнамаслиги мумкинлигини тахмин қилмоқда.
"Буни мавсумнинг энг муҳим палласида ёзаётганимдан жуда ҳафсалам пир бўлди. Афсуски, жароҳат туфайли маълум муддатга сафдан чиқяпман. Мен ҳар қачонгидан ҳам кучли бўлиб қайтаман.
Йигитларни четдан туриб қўллаб-қувватлаш вақти келди. Бизда курашадиган нарсалар бор," - дея Диаллонинг сўзларини келтиради United Stand.
