“Milan” uchun yana bir qiyin o‘yin – "rossonerilar" “Verona”ni zo‘rg‘a mag‘lub etib, atigi bitta gol urishdi.

O‘yin natijalari haqida "Milan"ning sobiq ustozi Arrigo Sakki fikr bildirdi va u jamoadan xavotirda ekanligini yashirmaydi.

Eslatib o‘tamiz, "Milan" "Feyenoord" bilan pley-off yo‘llanmasi uchun kurashishi kerak bo‘ladi va "Milan" birinchi o‘yinda Niderlandiya jamoasiga imkoniyatni boy berib qo‘ygandi.

"Albatta, men "Milan" uchun eng yaxshisini xohlayman, lekin men juda xavotirdaman – qiyinchiliklarni ko‘ryapman.

Konseysau harakat qiladi, lekin natijalar har doim ham qoniqarli emas. Ximenesning goli “Feyenoord”ga qarshi o‘yin oldidan ko‘nglimizni biroz xotirjam qilgani ma’qul.

Hamma keyingi bosqichga chiqishni intiqlik bilan kutmoqda", dedi Sakki.