“Милан” учун яна бир қийин ўйин – "россонерилар" “Верона”ни зўрға мағлуб этиб, атиги битта гол уришди.

Ўйин натижалари ҳақида "Милан"нинг собиқ устози Арриго Сакки фикр билдирди ва у жамоадан хавотирда эканлигини яширмайди.

Эслатиб ўтамиз, "Милан" "Фейеноорд" билан плей-офф йўлланмаси учун курашиши керак бўлади ва "Милан" биринчи ўйинда Нидерландия жамоасига имкониятни бой бериб қўйганди.

"Албатта, мен "Милан" учун энг яхшисини хоҳлайман, лекин мен жуда хавотирдаман – қийинчиликларни кўряпман.

Консейсау ҳаракат қилади, лекин натижалар ҳар доим ҳам қониқарли эмас. Хименеснинг голи “Фейеноорд”га қарши ўйин олдидан кўнглимизни бироз хотиржам қилгани маъқул.

Ҳамма кейинги босқичга чиқишни интиқлик билан кутмоқда", деди Сакки.