Yakshanba kuni Angliya Premyer-ligasida "Tottenxem" - "Manchester Yunayted" uchrashuvi bo‘lib o‘tdi. 78-daqiqada London jamoasi yarim himoyachisi Rodrigo Bentankur zaxiraga olindi - uning o‘rniga Iv Bissuma o‘yinga qo‘shildi.
Aytish joizki, Betankur almashtirilganidan so‘ng shifokorlar unga yordam ko‘rsatishdi - ko‘rinishidan, urugvaylikning tizza qismida muammolar bor. Ya’ni Bentankur o‘yin davomida jarohat olgan bo‘lishi mumkin. Tafsilotlar keyinroq ma’lum bo‘ladi.
Eslatib o‘tamiz, "Tottenxem" o‘z maydonida "Manchester Yunayted"ni minimal hisobda mag‘lub etdi. Yagona golga yarim himoyachi Jeyms Meddison mualliflik qildi.
