"Zenit" Jerson Santos bo‘yicha taklifni yaxshiladi.
Avvalroq, peterburgliklar "Flamengo" sardorini 18 mln yevroga qo‘lga kiritishga uringani, ammo rad javobini olgani haqida xabarlar tarqalgan edi.
Globo Esporte nashrining ta’kidlashicha, RPL klubi boshqaruvi raisi Aleksandr Medvedev videoaloqa orqali muloqot chog‘ida 20 mln yevro va yana 9 mln bonus taklif qilgan.
Qayd etilishicha, futbolchi tomon "Zenit" ta’minlashga tayyor bo‘lgan moliyaviy sharoitlardan juda mamnun va shu bilan birga "Flamengo" sardorning maoshini oshirishga harakat qilmayotganidan xafa.













