"Milan" yana Chempionlar Ligasi 1/8 finaliga chiqa olmadi.

Serjiu Konseysau jamoasi "Feyenoord"ga (0:1, 1:1) ikki o‘yin natijasiga ko‘ra imkoniyatni boy berib, pley-off bosqichida turnirdan chiqib ketdi.

So‘nggi o‘n bir mavsumda "rossonerilar" faqat bir marta 1/8 finalga chiqa olgan - bu 2022/23 yilgi mavsumda sodir bo‘lgan. O‘shanda jamoa yarim finalga qadar yetib borgan.

Shuningdek, bu vaqt ichida "Milan" ikki marta guruh bosqichidan o‘ta olmadi va qolgan turnirlarni umuman o‘tkazib yubordi.

Italiya klubi hisobida Chempionlar Ligasida 7 ta g‘alaba bor - faqat "Real"da ko‘proq. "Milan" bu sovrinni oxirgi marta 2007 yilda qo‘lga kiritgan.