"Milan" bosh murabbiyi Serjiu Konseysau jamoa Chempionlar ligasini tark etgach, o‘z fikrini bildirdi.
"Rossonerilar" "Fefenoord"ga yutqazdi (safarda 0:1, o‘z uyida 1:1). Javob uchrashuvi taqdirini o‘zgartirib yuborgan vaziyat Teo Ernandesning chetlatilishi bo‘ldi.
"Bu aniq muvaffaqiyatsizlik. Nimchorak finalga chiqmoqchi edik. Bu o‘yin raqibdan kuchliroq ekanligimizni ko‘rsatdi. Zagrebdagi o‘yinda bo‘lgani kabi hammasini qizil kartochka hal qildi. Hakam juda qattiqqo‘l edi, deyish mumkin, lekin biz psixologik jihatdan kuchliroq bo‘lishimiz kerak edi. Natija uchun Teo emas, men javobgarman. Biz g‘azabdamiz. Qizil kartochka olinguniga qadar "Feyenoord" darvozamizga qanday yetib borishni bilmayotgandi. Biz xafamiz va g‘azabdamiz," - dedi Konseysau jurnalistlarga.
