"Милан" бош мураббийи Сержиу Консейсау жамоа Чемпионлар лигасини тарк этгач, ўз фикрини билдирди.
"Россонерилар" "Фефеноорд"га ютқазди (сафарда 0:1, ўз уйида 1:1). Жавоб учрашуви тақдирини ўзгартириб юборган вазият Тео Эрнандеснинг четлатилиши бўлди.
"Бу аниқ муваффақиятсизлик. Нимчорак финалга чиқмоқчи эдик. Бу ўйин рақибдан кучлироқ эканлигимизни кўрсатди. Загребдаги ўйинда бўлгани каби ҳаммасини қизил карточка ҳал қилди. Ҳакам жуда қаттиққўл эди, дейиш мумкин, лекин биз психологик жиҳатдан кучлироқ бўлишимиз керак эди. Натижа учун Тео эмас, мен жавобгарман. Биз ғазабдамиз. Қизил карточка олингунига қадар "Фейеноорд" дарвозамизга қандай етиб боришни билмаётганди. Биз хафамиз ва ғазабдамиз," - деди Консейсау журналистларга.
