20 fevral tonggida argentinalik hujumchi Lionel Messi joriy mavsumdagi ilk va faoliyatidagi 851-golini urdi. Bu voqea «Kanzas-Siti» jamoasiga qarshi o‘yinda, stadionda −15°C harorat bo‘lgan vaqtda sodir bo‘ldi.

Bu KONKAKAF Chempionlar Ligasining dastlabki raundi doirasidagi ilk uchrashuv bo‘lib, «Inter Mayami» safarda «Kanzas-Siti»ni 1:0 hisobida mag‘lub etdi.  

37 yoshli argentinalik futbolchi 56-daqiqada jamoasi uchun yagona va g‘alabali golni urdi. Bu zarba Messi uchun joriy mavsumdagi birinchi rasmiy gol va faoliyatidagi 851-gol bo‘ldi.  

Qayd etish joizki, ushbu uchrashuv Kanzas-Sitida −15°C haroratda bo‘lib o‘tdi. Shunday qiyin ob-havo sharoitiga qaramay, Florida jamoasi sardori o‘z jamoasi uchun g‘alabani ta’minlashga muvaffaq bo‘ldi.  

Javob bahsi 26 fevral tonggida «Inter Mayami» maydonida bo‘lib o‘tadi.  

Shuningdek, «Kanzas» va «Mayami» o‘rtasidagi o‘yin avvalroq o‘tkazilishi kerak edi, biroq tashkilotchilar yomon ob-havo sababli uchrashuvni kechiktirishga majbur bo‘lishdi.