"Roma" o‘z maydonida Yevropa Ligasi pley-off javob o‘yinida "Portu"ni mag‘lub etdi - 3:2.

Mezbonlar safida Paulo Dibala dubl qayd etdi, yana bir gol Nikkolo Pisilli hisobiga yozildi. Mehmonlar safida Samu Omorodion o‘z hisobiga gol yozdirib qo‘ygan bo‘lsa, yana bir golga rimliklar himoyachisi Deyvan Rench mualliflik qildi.

"Portu" ikkinchi bo‘limning katta qismini bir kishi kam bo‘lib o‘tkazdi: 51-daqiqada yarimhimoyachi Stefen Eushtakiu qo‘polligi uchun qizil kartochka oldi.

O‘yinda hamyurtimiz Eldor Shomurodov asosiy tarkibda maydonga tushdi va Paulo Dibalaning birinchi goliga assistentlik qildi.

"Roma" "Portu"ni ikki o‘yin natijasiga ko‘ra 4:3 hisobida mag‘lub etdi va Yevropa Ligasi 1/8 finaliga yo‘l oldi. Rimliklar musobaqaning keyingi bosqichida "Atletik" yoki "Lasio"ga qarshi o‘ynaydi.