Myunxenning "Bavariya" klubi markaziy himoyachisi Kim Min Je bir necha oydan beri og‘riq bilan o‘ynamoqda.
28 yoshli futbolchining tovonida qattiq og‘riq bor, bu esa unga maydonda to‘sqinlik qilmoqda. Natijada, markaziy himoyachining har bir o‘yinda asosiy tarkibda bo‘lishi maqsadga muvofiq emas, deya xabar beradi Bayern & Germany.
Koreyalik futbolchi oktyabr oyida Frankfurtning “Ayntraxt”iga qarshi o‘yindan beri o‘zida noqulaylik his qilmoqda.
Joriy mavsumda Kim Min Je “Bavariya” safida 33 ta o‘yinda maydonga tushib, 3 ta gol urgandi. Futbolchi myunxenliklar safiga 2023 yilning yozida Italiyaning “Napoli” klubidan 50 million yevro evaziga o‘tgan.
