"Atalanta" hujumchisi Ademola Lukman faoliyatini Angliyada davom ettirish imkoniyatiga ega. Bu haqda Todofichajes portali jurnalistlari xabar berishdi.
Manbaga ko‘ra, "Liverpul" 27 yoshli nigeriyalikni o‘z safiga qo‘shib olmoqchi. Mersisaydliklar Ademolani kelasi yozda jamoani tark etishi mumkin bo‘lgan misrlik Muhammad Salohga o‘rinbosar sifatida ko‘rmoqda.
Nigeriyalik futbolchining transfer qiymati 55 million yevroga baholanmoqda. Tomonlar o‘rtasidagi amaldagi mehnat shartnomasi muddati 2026 yil iyun oyi oxirida tugaydi.
Lukman joriy mavsum A Seriyada 19 ta o‘yinda maydonga tushib, 10 ta gol urdi va 5 ta golli uzatmani amalga oshirdi.
