"Barselona" darvozaboni Mark-Andre ter Shtegen og‘ir jarohatidan tiklanishda davom etmoqda.

Germaniyalik futbolchi sentyabr oyida bo‘lib o‘tgan La Liga doirasidagi "Vilyarreal"ga qarshi o‘yinda tizzasidan jarohat olgan edi. Dastlab, darvozabon mavsumning qolgan qismini o‘tkazib yuborishi taxmin qilingan edi, ammo "Barselona" may oyida sardorning qaytishiga umid qilmoqda.

Managing Barca xabariga ko‘ra, ter Shtegen Tibo Kurtua tajribasini takrorlamoqchi va mavsum so‘ngida jamoaning hal qiluvchi o‘yinlarida ishtirok etmoqchi. Eslatib o‘tamiz, o‘tgan mavsumda belgiyalik futbolchi avgustdan maygacha jarohati tufayli maydonga tusha olmagan, ammo La Liganing so‘nggi turlari va Chempionlar Ligasi finalida "Real"ga yordam bera olgandi.