"Barselona" himoyachisi Pau Kubarsi jamoaning sobiq bosh murabbiyi Xavi Ernandes haqida fikr bildirdi.
"Menga ishonch bildirgani uchun Xavidan har doim juda minnatdorman. Aynan u menga asosiy tarkibda o‘ynash imkoniyatini berdi", - deydi Kubarsi.
Xavi 2021 yildan 2024 yilgacha "Barselona"ni boshqargan. Bu vaqt ichida u Ispaniya chempioni bo‘ldi va mamlakat Superkubogini qo‘lga kiritdi.
Joriy mavsumda 18 yoshli Kubarsi barcha turnirlarda 37 ta o‘yinda maydonga tushib, 3 ta golli uzatmani amalga oshirdi.
