"Manchester Siti" bosh murabbiyi Xosep Gvardiola yakshanba kuni bo‘lib o‘tadigan APL doirasidagi "Liverpul"ga qarshi o‘yin oldidan o‘z fikrlarini bildirib o‘tdi.
"Biz har qanday jamoa bilan raqobatlasha olamiz, garchi ikki markaziy himoyachi (Stons va Akanji) ikki-uch oyga safdan chiqqan bo‘lsa ham. Premyer-liga biz uchun juda muhim. Biz barqaror emasmiz, ammo ba’zi o‘yinlarda, masalan, "Nyukasl"ga qarshi o‘yinda yuqori darajani ko‘rsatdik. Yaxshi o‘ynab, keyingi mavsumda Chempionlar ligasiga chiqish uchun kerakli ochkolarni qo‘lga kiritishga harakat qilamiz," - dedi Gvardiola matbuot anjumanida.
